O noveno ciclo metropolitano pola Igualdade Elas Son Artistas retoma a súa actividade con forza. Fai so uns días inauguraba unha nova iniciativa que recoñecerá a nove mulleres consideradas Artistas do Día a Día pola súa veciñanza.
Con humildes homenaxes e unha lámina personalizada da artista sevillana Mari Muriel, vanse ir coñecendo mulleres que pola súa humanidade e implicación coa comunidade merecen ser coñecidas. Serán tres que viven no Concello da Coruña e unha máis por cada un dos concellos que participan no ciclo: Arteixo, Betanzos, Carral, Culleredo, Oleiros e Sada. A través do correo elassonartistas@gmail.com ou por mensaxes nas redes, calquera persoa pode enviar candidatas xustificando a súa proposta.
A primeira en obter o recoñecemento xubilouse este sábado 27 de xuño, deixando orfos da súa amabilidade, e bo produto local, á veciñanza de Mponte Alto. E á parella de veciños que a propuxeron a tempo para recibir este sigular recoñecemento proposto dende as redes do Elas Son Artistas: Isabel Ares, de Ultramarinos Isabel na Vereda do Polvorín foi unánime. Catro décadas adicadas a axudar a quen podía dende ese centro neurálxico no que os alimentos son o punto de encontro da veciñanza de Monte Alto.
Axenda do Elas son Artistas
E tamén no barrio segue este luns 29 de xuño a actividade cultural. Neste caso cunha artista de Nashville, a capital da música Country. Dende alía chega Stacy Antonel, unha cantante e compositora que visita por primeira vez a Sala Mardi Gras. Será en formato dúo e con inicio ás 21:30. As entradas poden mercarse en Entradium.com dende 12 euros.
No mes de xullo tamén se poderá gozar da música de Sofía Espiñeira, o venres 3 ás 20:30 no auditorio exterior do Paseo Fluvial de Arteixo.
O mércores 15 a cita será na Praza de Azcárraga. A actuación da vasca Mäbu ás 20:15 será un luxo para os sentidos xa que simultáneamente estará pintando en directo Mónica Coto. O acceso tamén será libre grazas ao Concello da Coruña.
E a finais de mes chegará unha exposición da artista Xulia Pisón na Casa Museo María Pita nunha colaboración entre Elas Son Artistas e Viñetas desde o Atlántico.
E a finais de mes chegará unha exposición da artista Xulia Pisón na Casa Museo María Pita nunha colaboración entre Elas Son Artistas e Viñetas desde o Atlántico.
