O Consorcio As Mariñas completou esta semana unha intervención extraordinaria para a retirada e limpeza de dous puntos de verteduras incontroladas localizados xunto a áreas de colectores no termo municipal de Cambre.

Segundo informa, durante os traballos, os operarios do servizo procederon á recollida e intervención sobre unha gran cantidade de materiais abandonados na vía pública, entre os que se atopaban bolsas de lixo, cartóns, madeiras, aveños voluminosos e mesmo pneumáticos.

“Grazas ao operativo despregado, ambos os puntos quedaron completamente despexados e restituídos ao seu estado habitual”, remarca o Consorcio, que recalca o impacto negativo que xeran este tipo de actos incívicos.

“Resulta especialmente preocupante que nunha das localizacións afectadas atópase instalada sinalización expresa que prohibe o depósito de verteduras, unha advertencia que foi ignorada”, subliña.