Variedade de tendencias e boas cifras en vendas é o balance do Salón do Cómic ‘Viñetas desde o Atlántico’ desde a súa apertura ao público, segundo informa a organización. Nun comunicado, resaltan que desde as librarías galegas ata a portuguesa Dr Kartoon, os profesionais consultados coinciden en sinalar o interese do público pola banda deseñada, aínda que apuntan tamén a diferentes tendencias nos libros que máis saída tiveron.

Algúns aluden a vendas similares á do ano pasado, á espera dun balance definitivo en relación a un festival inaugurado o pasado 10 de agosto e que se prolongou ata o domingo con presenza de máis de 70 autores locais e internacionais. En canto aos títulos máis vendidos, están os de de Tyto Alba, autor convidado ao festival, así como obras de Paco Roca, un dos autores considerado un clásico para o público. Tamén figuran novidades como a adaptación de Fred Fordham dun mago de Terramar e a Odisea ilustrada, de Miguel Brieva e Carmen Estrada.