A cantautora galega Silvia Penide será a encargada de abrir o primeiro dos dous concertos de Silvio Rodríguez en Sevilla. Con máis de vinte anos de traxectoria e colaboracións con Víctor Manuel, Andrés Suárez, Mercedes Ferrer e Javier Álvarez, entre outros, a súa voz e as súas letras conectan directamente coas emocións dos seus fans en cada directo.

Para Silvia, que viaxará exclusivamente para esta actuación xa que a tarde do 26 ten un concerto no Café Doré da Coruña, é un soño cumprido xa que, como para a gran maioría de quen dedica a súa vida á canción de autor, o artista cubano é un dos seus máximos referentes.

Silvia foi seleccionada tras enviar unhas liñas persoais para Silvio, así como varias cancións dos seus máis de 22 anos de carreira e unha breve biografía artística. Precisamente o venres 25 edita un single de adianto do EP Los cuidaddos que verá a luz o 29 de outubro, Día Mundial dos coidados e do apoio. O título da canción é Pasará como todo. Un pequeno himno á esperanza. Os arranxos e a producción correron a cargo de Arturo Vaquero nos Estudios Abrigueiro.