O Observatorio Coruñés contra a LGTBIfobia é un servizo da asociación ALAS A Coruña que nace no 2017 grazas ao apoio do Concello da Coruña. Escoitar, asesorar e acompañar ás persoas, independentemente da súa orientación sexual ou identidade de xénero, así como denunciar e rexistrar os incidentes e delitos de odio, son os eixes de acción deste observatorio. A maiores, este servizo realiza un importe labor de prevención da LGTBIfobia en centros educativos, empresas e outras entidades de toda Galicia.
Durante o pasado ano, o observatorio realizou un total de 330 atencións vencelladas a 220 casos. Ao longo do 2022, o persoal do observatorio atendeu practicamente cada dous días un novo caso. Un 59,02% do total de atencións tiveron como destinatarias a persoas residentes na Coruña, cidade na que o servizo ten a súa sede.
Este mércores 19 de abril presentarase o informe “Nin vagas nin maleantes” en rolda de prensa e intervirán a concelleira de Igualdade, Yoya Neira e Ana G. Fernández, presidenta de ALAS A Coruña. Como en anteriores edicións, os datos recollidos serán compartidos con outros observatorios do Estado, a través do proxecto Redes contra el odio da Federación Estatal de Lesbianas, Gais, Trans, Bisexuais, Intersexuais e máis (FELGTBI+).A Coruña rexistrou o pasado ano 330 atencións de LGTBIfobia
