InicioDEPORTESNovo Dépor, as vellas solución

Novo Dépor, as vellas solución

Publicada o

Por Ubaldo Cerqueiro

Volveu caer nas mesmas decisións a sixilosa directiva do Real Club Deportivo da Coruña. Ante as queixas dunha parte sempre insatisfeita da afección branquiazul, e cando apenas ían 7 xornadas de Liga, o club prescinde de Borja Jiménez e contrata inmediatamente a Óscar Cano.

Cano é o 16º adestrador que se senta no banco de Riazor nos últimos 11 anos. E parece complicado atopar algún cambio de director de orquestra que lle sentanse ben ao equipo e ao club.

Moitos se preguntan nas bancadas como é que se tan pouco crédito tiña que nin ata a xornada 8 chegou, a pesar de manterse nunha zona morna da táboa sen despegarse da parte de arriba, non o destituíran ao remate do partido de Albacete, cando o equipo perdeu o ascenso na prórroga.

O novo míster estreouse con vitoria este pasado domingo Riazor ante o Linares, e a reflexión máis lida nos medios herculinos era a de “resurrección”, unha lectura difusa cando nin o Dépor estaba morto, nin o xogo despregado polos 11 branquiazuis sobre o céspede, nin as sensacións de tensión ata o último segundo, distou demasiado do vivido hai apenas dúas semanas ante o Talavera no templo coruñés.

Esperamos que a chispa que sempre se encende nos futbolistas co cambio de adestrador non se convirta en soufflé.

ÚLTIMAS

Investigan a un veciño da Coruña acusado de numerosos furtos en establecementos comerciais de Oleiros e concellos próximos

A Garda Civil identificou e procedeu á investigación dun individuo residente na Coruña como presunto autor dunha serie de...

Sábado de Estudios Abertos

Chega unha nova edición do esperado programa de Estudios Abertos, nos que poderemos entrar...

O porto da cidade recibirá máis de 170 cruceiros en 2025

A Autoridade Portuaria da Coruña confirmou a chegada de máis de 170 cruceiros en 2025, como resultado, explica,...

O ciclo TRC Danza volve ao Teatro Rosalía de Castro con 13 espectáculos contemporáneos

O ciclo TRC Danza exhibirá no Teatro Rosalía de Castro 13 propostas, cunha estrea...