InicioM.AMBIENTE E PATRIMONIOEstas son Dana e Nora, as cadelas que axudan a ler ás...

Estas son Dana e Nora, as cadelas que axudan a ler ás crianzas de Culleredo

Publicada o

Por editor

O Concello de Culleredo, a través da concellaría de Educación, retoma o programa “Perros e letras” de READ España, que esta vez se desenvolverá nos centros públicos CEIP Plurilingüe de Tarrío, CEIP Vila de Rutis e CEIP Plurilingüe Ría do Burgo.

Desde que se implementase en 2020, en pleno estado de alarma e onde as sesións eran telemáticas, será o terceiro ano consecutivo que se leve a cabo. As protagonistas serán, novamente, Dana e Nora, unha bóxer e unha labrador que xunto a Laura González, coordinadora do programa en Galicia, e Bárbara Bonachía, profesional do equipo na provincia da Coruña, axudan ás pequenas e pequenos a estimular as habilidades lectoras, especificamente con aqueles e aquelas que presentan algún déficit na dicción e a comprensión ao ler, cos conseguintes problemas de autoestima.

Elíxense para isto cans de terapia porque son moi tranquilos, capaces de estar todo o tempo deitados e pendentes dos pequenos. Todos os animais deste programa pasan un exame cada dous anos para comprobar que a súa tolerancia o estrés sexa alta. Tamén se valora positivamente o vínculo que lle une ao seu guía.

Cada un dos nenos e nenas que participan en “Perros y letras” teñen dificultades en distintos aspectos. Normalmente son seleccionados polo departamento de Orientación de cada centro, e poden ser tanto a nivel social, de lectura, ou de comprensión. No futuro tamén se tratarán os problemas do TDAH e do autismo.

Segundo apunta o departamento de Educación do concello, tras dous anos desenvolvendo o programa en Culleredo, tense comprobado que os nenos e nenas que participan melloran sobre todo en lecto-escritura, a nivel de comprensión lectora, aumentan o vocabulario, a súa rapidez lendo e tamén incrementan a súa autoestima.

ÚLTIMAS

Inés Rey sobre Feijóo: “non ten nada que achegar á cidadanía”

A alcaldesa da Coruña, a socialista Inés Rey, sinalou que o líder do Partido...

A Garda Civil da Coruña recupera 16.700 euros e bloquea outros 126.000 en fraudes de investimento e estafas de factura

A Garda Civil da Coruña recupera 16.700 euros e bloquea outros 126.000 en fraudes de investimento e...

Colaboración entre a UDC e o Hospital de Ferrol para desenvolver lentes de realidade aumentada en cirurxía

Profesionais do Complexo Hospitalario Universitario de Ferrol (CHUF) colaboran co Campus Industrial de Ferrol...

Desestimada unha demanda por desafiuzamento nun edificio de Cambre promovida pola Sareb

A Audiencia Provincial desestimou o recurso de apelación interposto pola Sareb (coñecido como o...

DEIXAR UN COMENTARIO

Please enter your comment!
Please enter your name here