InicioMOV. SOCIAISAnuncian accións e mesmo manifestacións para recuperar espazos públicos na Coruña

Anuncian accións e mesmo manifestacións para recuperar espazos públicos na Coruña

Publicada o

Por editor
Defensa do Común insiste na necesidade de recuperar a totalidade de espazos públicos desafectados . Trtas unha xuntanza da súa xunta directiva esta entidad anuncia diversas iniciativas que inclúen concentracións, mobilizacións, mesas redondas, marchas cívicas e actuacións musicais, sen descartar como última espoleta a convocatoria dunha manifestación.
Nun comunicado, Defensa do Común lembra que na protesta do 2017 logrouse reunir a 5000 persoas e que o seu obxectivo é evitar calquera intento de pagar pola reuperación deses espazos que considera pertenecen ao común. Neste capítulo inclúe a recuperación do borde litoral a escala urbana e metropolitana, as parcelas do Campo da Estrada-Maestranza, o vello cárcere, a Casa Cornide, a parcela número 24 da rúa Adelaida Muro, así como os terreos do complexo polideportivo da Solana e o Hotel Finisterre, cuxa concesión finaliza no ano 2027.
Defensa do Común estima que a recuperación de espazos públicos que carecen de uso na actualidade se corresponde coa idea de moitos cidadáns e supón “un desexo puntual de continuar reivindicando un diálogo aberto e cada vez máis urxente despois de tantos intentos por seguir obtendo sabrosas plusvalías a conta do patrimonio público”. “Porque por riba do triunfo de calquera goberno ou partido político a recuperación do común para diverso equipamento público será a vitoria definitiva dos dereitos de toda a cidade”, conclúe.

ÚLTIMAS

A UDC destaca o apoio do pleno a Medicina: “Reforza a vontade de traballar na proposta”

O reitor da Universidade da Coruña (UDC), Ricardo Cao, mostrouse "moi satisfeito" polo apoio "unánime"...

Máis control no consumo de alcol en menores na Coruña

Axentes do Corpo Nacional de Policía e da Policía Local puxeron en marcha un...

O longo pleno sacou adiante a nova Taxa Turística, a ordenanza das VUT e a de mobilidade sostible

Longo pleno en María Pita. Máis de 9 horas de pleno (cun par de...

Noites do Porto mergullarase máis que nunca no ecosistema coruñés

Acolleu onte o mítico Bristol (na rúa Torreiro), a presentación do diverso festival Noites...

DEIXAR UN COMENTARIO

Please enter your comment!
Please enter your name here