O pleno do Concello da Coruña aprobou, de maneira definitiva, a ampliación a oito horas da gratuidade na rede de escolas infantís municipais. Desta maneira, incrementa as prestacións e servizos das escolas que forman parte da rede municipal, sumando dúas novas horas sen custo para as familias.

Ademais, tamén se deu luz verde a unha serie de modificacións puntuais no Plan Xeral de Ordenación Municipal (PXOM) para avanzar no proxecto de creación da futura estación intermodal.

Un dos puntos aprobados determina a cesión gratuíta ao Concello do edificio antes ocupado polo concesionario da.C. Medín S.A. da avenida do Ferrocarril, un edificio de valor arquitectónico que terá uso público. O Concello tamén incorporará novos terreos onde se crearán zonas verdes e espazos de lecer para a cidadanía e un 10% de espazo para a creación de novas vivendas de protección oficial.

O pleno aprobou tamén outra modificación da PXOM que dá cobertura aos traballos xa en marcha na intermodal e as posibles ampliacións futuras. Noutra orde de cousas, aprobouse, cos votos de todos os grupos menos no PP, unha moción da Marea Atlántica rexeitando o pago do consistorio polo uso dos peiraos e rexeitando que achegue unha contía polos mesmos.