InicioPOLÍTICAMarea Atlántica a Unidas Podemos: "As portas están abertas de par en...

Marea Atlántica a Unidas Podemos: “As portas están abertas de par en par”

Publicada o

Por europapress

O candidato da Marea Atlántica á Alcaldía da Coruña, Xan Xove, asegurou que as portas da organización están “abertas de par en par” para calquera que queira traballar por unha cidade “verde, feminista, democrática e xusta”.  Xove rexeitou valorar “ao resto de candidaturas” ao ser preguntado polo candidato de Unidas Podemos, José Manuel Sande.

“Cando naceu Marea Atlántica en 2014 era para superar lóxicas partidistas e mantemos as portas abertas a calquera que queira participar para unha Coruña mellor”, respondeu Xan Xove, a preguntas dos xornalistas sobre a mensaxe de “integración” e a vontade de “negociar” exposta polo candidato de Unidas Podemos, José Manuel Sande.

En canto á posibilidade de integrar unha candidatura conxunta, Xove insistiu en que as decisións da súa formación tómanse “democraticamente”. “Marea Atlántica fala por si mesma”, sentenciou.

Así mesmo, destacou que a organización “está a demostrar ser útil, transcendental e decisiva” e non vai perder ” enerxía” neste tipo de cuestións. “Aí están as enquisas dicindo que a Marea recupera un 8% de intención de voto“, apostilou.

NOVA PÁXINA WEB

Xove fixo estas declaracións nunha rolda de prensa convocada para presentar as novidades no deseño da páxina web da candidatura de Marea Atlántica. Neste acto estivo acompañado pola portavoz municipal, María García, quen respecto de Sande sinalou que en Unidas Podemos “terán que ver que perspectivas teñen e que beneficio achégalle á cidade”.

Respecto da páxina, Xove explicou que ata o momento está a recibir “entre 2.000 e 2.500 usuarios únicos cada mes e ao redor de 4.000 visitas con 20 actualizacións mensuais”. Entre as novidades destacou un vínculo para acceder a un sistema de recollida de propostas e a inclusión dun menú cos perfís do dez primeiras persoas da candidatura.

ÚLTIMAS

A Coruña insta á Xunta a actuar fronte ao mercado tensionado do alugueiro

A alcaldesa da Coruña, Inés Rey, pediu á Xunta un marco xurídico sobre o...

A hostalaría coruñesa seguirá mobilizándose durante todo o mes de setembro

Despois da resposta masiva acadada na concentración convocada pola Hostalería coruñesa realizada diante do...

O Pazo de Meirás declarado Lugar da Memoria Democrática

O Goberno estatal vén de publicar hoxe no Boletín Oficial do Estado (BOE) o...

A Escola Coruña de Senegal xa ten paneles solares gracias á ONG Ecodesarrollo Gaia

Emocionante visita a que realizaron entre 18 ao 26 de agosto, un grupo de...