O Concello da Coruña aprobou, de forma definitiva, o estudo de detalle da Cidade do TIC promovido pola Universidade da Coruña (UDC).

A antiga fábrica de armas da Coruña, que acolle os terreos onde se están executando as obras da Cidade das TIC, está clasificada no Plan Xeral como chan urbano inserido na Ordenanza Zonal 7 de uso industrial pesado, na que está previsto o uso complementario vinculado ao TIC nun 50% da edificabilidade do proxecto.

O estudo de detalle que recibiu hoxe a aprobación plenaria ten como obxecto a ordenación desta edificabilidade xa recollida dentro dos volumes existentes e proxectando novos volumes, “en ambos os casos cumprindo os parámetros de ocupación e altura máximaya vixentes”, sinala o goberno local.

Entre outros asuntos, o pleno tamén aprobou a ordenanza da Administración Dixital, “que reducirá os trámites burocráticos e mellorará a atención á cidadanía”. A ordenanza inclúe a disposición de puntos de atención física para asistir ás persoas que necesitan axuda no manexo dos medios dixitais e o uso da firma electrónica.