InicioCULTURA“A cidade amosada”, “o mapa dos afectos e as identidades” de Elga...

“A cidade amosada”, “o mapa dos afectos e as identidades” de Elga Fdez. Lamas

Publicada o

Por editor

A ilustradora Elga Fernández Lamas ten xa nas librarías o seu libro “A Coruña. A cidade asomada”, un traballo de artista que reúne 29 ilustracións orixinais e inéditas de edificios e espazos icónicos de A Coruña.

Editado por Edicións Embora, o libro ten 62 páxinas repletas de cores e estética pop. Do Pazo de María Pita (1904-1917) ao edificio da Terraza (construído en 1912 na Coruña e trasladado en 1920 a Sada), da vella imprenta Roel (1872) á Fabrica de Tabacos (1905-1910), da Torre de Hércules (s. XII) ao Centro Oceanográfico (1974), o libro reúne orixinais imaxes de edificios que aínda existen e doutros que xa desapareceron ou cambiaron a súa fisonomía.

No prólogo do libro, Xesús Fraga (Premio Nacional de Narrativa 2021) refírese ao traballo de Elga Fernández como “un mapa dos afectos e as identidades, unha guía sentimental para non perderse no pasado e saber regresar ao presente. A Coruña retratada nestas páxinas por Elga é a súa Coruña asomada. Pero tamén pode ser A Coruña ideal de cada un de nós. Elga apela tanto á nosa sensibilidade como á memoria e á fantasía”.

A presentación nun acto público deste traballo farase en abril próximo.

1 concello coruna ilustacion elga 6 Banco Pastor ilustracion elga

ÚLTIMAS

Morre un home na praia do Orzán, menos dun día despois doutro falecido en Riazor

Un home perdeu a vida na mañá deste mércores na praia do Orzán, na...

A concesionaria do servizo de lixo da Coruña comeza a aplicar man dura contra os folguistas

A concesionaria do servizo de recollida de lixo da Coruña, Prezero, comunicou 29 sancións graves este...

O 4 de marzo, martes de Entroido, e o 24 de xuño, San Xoán, serán festivos na Coruña en 2025

O Concello da Coruña decretou que o 4 de marzo, martes de Entroido, e o 24...

Mariscadores do Burgo secundan unha nova concentración á espera dunha solución ás axudas que reclaman

Membros da Confraría de Pescadores da Coruña mobilizáronse, este mércores ante a Delegación do Goberno, para esixir...

DEIXAR UN COMENTARIO

Please enter your comment!
Please enter your name here