O Concello da Coruña comezou a segunda fase dos traballos de conexión do carril bici entre o paseo marítimo e Gregorio Hernández. A alcaldesa, Inés Rey, supervisou as obras realizadas na avenida da Habana, que se complementan con máis prazas de aparcadoiro, novo arboredo e melloras de accesibilidade.

A actuación, consistente na creación dun carril bici que conecte o paseo marítimo coa rolda de Nelle, comeza a súa segunda fase coa extensión desta vía ciclable ata o cruzamento entre ambas as rúas nos dous extremos da avenida.

CURSOS

Noutra orde de cousas, o consistorio informou que os bombeiros ofrecerán formación en prevención e actuación en caso de incendio a entidades veciñais e comunidades de propietarios. A iniciativa está orientada a concienciar á cidadanía sobre as medidas e pautas a seguir para, por exemplo, evitar incendios no fogar.