Convocaba unha reunión onte a Asociación de Empresarios de Galicia (ASCEGA) para analizar a xestión das licenzas municipais. Xa a semana pasada o seu presidente Antonio Salazar criticara os retrasos na aprobacións das licenzas, e hoxe quixo corrobar esa tese coa sociedade herculina.

Ademais das impresións que lles trasladan os empresari@s e autónom@s internamente, entidades veciñais, particulares, promotores e representantes dos grupos municipais do PP, BNG e Podemos, compartiron “a parálise que sofre o Concello coruñés en materia de Urbanismo, a existencia dunha intolerable duplicidade de criterios que premia a uns e castiga a outros, e a absoluta falta de transparencia que existe para controlar a xestión das licenzas municipais”.

Ata 3 anos de retrasos nos permisos

Máis de 50 asistentes “expresaron as súas amargas experiencias, tanto no que se refire á tramitación de comunicacións previas como ás licenzas de obras menores e maiores, nas que en ocasións acumulan atrasos de máis de 3 anos desde a solicitude do permiso”.

Critican ademais o “escurantismo” xeralizado nos procedementos, e bromearon coa nova APP anunciada a semana pasada por José Manuel Lage, chegando a afirmar que con ela ‘A Coruña está na Primeira División de innovación tecnolóxica’, pero que “non mesmo permite o seguimento dos trámites de calquera expediente municipal”.