O Concello da Coruña aprobou, na Xunta de Goberno, a oferta pública de emprego deste ano, con 94 prazas en total e un reforzo de ata 44 novos policías locais. Ás 30 prazas destinadas ao corpo policial, que se ofertarán en réxime de quenda libre, sumaranse outras 14 prazas dispostas por quenda de mobilidade, segundo marca a normativa.

Este mércores tamén se deu luz verde ás novas convocatorias de axudas para coidadores de persoas dependentes, así como á liña de apoio económico ao sector do taxi, segundo informou a rexedora, Inés Rey, ao termo da Xunta de Goberno.

Segundo explicou, en base ao máximo que permite a lei mediante a taxa de reposición, a OPE suma 94 postos, aos que habería que restar o nove incorporacións xa realizadas neste exercicio polo que a cifra final de prazas a convocar é de 85, 72 para sectores prioritarios e 13 para non prioritarios.