InicioCULLEREDOEntidades vinculadas á inmigración poñen en valor a contratación laboral de estranxeiros...

Entidades vinculadas á inmigración poñen en valor a contratación laboral de estranxeiros en Galicia

Publicada o

Por editor

Interesante evento o que acollía esta mañá a Escola Universitaria de Relacións Laborais da Coruña (ERLAC). O “I Encontro de entidades vinculadas á inmigración” quixo afondar sobre un tema tan importante como “a contratación laboral de estranxeiros en España”.

Unhas 200 persoas de diferentes entidades do sector, asistán ao evento organizado pola Deputación da Coruña, que tiña como obxectivo o recoñecemento e aceptación do pluralismo cultural e a busca de respostas e resultados, en clave de integración do colectivo de persoas inmigrantes. A proposta é “crear un espazo de traballo conxunto entre organismos que prestan asesoramento e axuda en materia de inmigración na provincia”.

O acto comezou repasando datos: Galicia conta na actualidade con máis de 118.000 estranxeiros, dos cales o 39,20% están na provincia da Coruña. Só en 2022 chegaron 16.054, un 204,28% máis que o ano anterior.

As participantes desenvolveron o obradoiro “Captación laboral de estranxeiros en España” con ACCEM e SENVALOS; así como as mesas redondas “Dificultades de Inserción Laboral. Valor da contratación de estranxeiros en España” e “Formación e homologación de estudos”, na que participaron ACEEM, SOS Racismo, Cruz Vermella, U.AMI, Ecos do Sur, Mestura, Fundación Ronsel e Acción contra o hambre.

Encontros nos que se afondou a lei de inmigración, os procesos de contratación de persoal e a homologación de títulos estranxeiros. Do mesmo xeito, os relatores incidiron nas dificultades da inserción laboral da poboación estranxeira e no valor que ten para as empresas contratantes.

ÚLTIMAS

Cando limpar praias é un verdadeiro exercicio de inclusión

Emocionante xornada a vivida esta mañá na praia de Riazor. A Asociación Mar de...

Aprobado o convenio de financiamento entre Xunta e Concello para licitar o centro de saúde e centro cívico de Santa Lucía

Pasiño a pasiño avanza a eterna rehabilitación do centro de saúde e o centro...

O Museo de Belas Artes acolle na Coruña unha mostra sobre Isaac Díaz Pardo

O Museo de Belas Artes da Coruña acolle unha mostra sobre a figura de...

A Xunta propón recuperar e expoñer os murais de Urbano Lugrís na rúa Olmos

Representantes da Xunta e do Concello da Coruña participaron nun encontro para concretar o...

DEIXAR UN COMENTARIO

Please enter your comment!
Please enter your name here