O maxistrado do Xulgado de Instrución número 5 da Coruña, en funcións de garda, puxo en liberdade a cinco homes detidos e investigados polos delitos de detención ilegal, lesións e ameazas graves a outro home.
Así o confirmaron fontes do Tribunal Superior de Xustiza de Galicia. Ademais, impúxoselles a prohibición de aproximarse e de comunicarse coa vítima.
Segundo fontes próximas ao caso consultadas por Europa press, os feitos producíronse o pasado luns, día 10, cando cinco persoas agrediron a outro home ao que coñecían.
Tras o suceso, foron detidos polo Corpo Nacional de Policía nas inmediacións da Rolda de Outeiro e o parque de Vioño.
