Un total de 14 proxectos optan a redactar o proxecto de reformay remodelación do mercado de Santa Lucía, no barrio da Falperra, na Coruña.

A instalación, que conta con tres millóns de euros para rehabilitar a parte municipal, funcionará como centro cívico, centro de saúde e tamén mercado, para o que se reservan 400 metros cadrados no inmoble.

As bases administrativas do concurso de ideas para rehabilitar o mercado de Santa Lucía aprobáronse o 15 de febreiro en Xunta de Goberno Local, coa posterior apertura dun prazo de 45 días naturais para que se fixese entrega das propostas, prazo que finalizou o 3 de abril.

As bases deste concurso de ideas establecen a redacción completa do proxecto básico e de execución para a rehabilitación do edificio, incluíndo o estudo de seguridade e saúde, así comoel de xestión de residuos e das certificacións enerxéticas necesarias.