Este vindeiro 9 de maio arrinca en Doha, o Campionato do Mundo de Judo. Alí estarán dous deportistas coruñeses “representando a Galicia por todo o mundo”. Estrella López Sheriff (-52kg) e Alberto Gaiteiro (-66kg), do Club Judo Hércules estarán na capita de Qatar competindo concretamente o 10 de maio.
Estrella chega despois do seu últim campionato, o Gran Slam de Turquía celebrado o mes pasado, onde quedou 5ª, perdendo o podio mundial contra a judoka uzbeka, Un resultado que deixa á coruñesa no posto 12º do ranking olímpico, con marxe para entrar entre as 18 que se colarán nas vindeiras olimpiadas de París de 2024.
”Este mundial é moi importante xa que é o último antes dos XXOO de París, e o nivel é moi alto. Ademais é a primeira competición na que volven competir os deportistas de Rusia”, explícanos unha Estrella que aspira a chegar ao podio e poder superar ás 52 deportistas clasificadas. “Expectactivas sempre altas, pero é judo, gañas ou perdes con calquera en 20 segundos, e depende moito do sorteo tamén”, explica.
Os herculinos irán na expedición con outros 6 deportistas galegos. Se ben falta o doble campión do mundo Nikoloz Sheradadishvili por estar recuperándose do LCA, acompañando aos coruñeses estarán Laura Martínez (-48kg), Francisco Garrigos (-60kg), David García (-66kg) e Jose Antonio Aranda (-73kg).
