A biblioteca municipal do Fórum Metropolitano retomará o mércores o ciclo de conferencias ‘A Coruña de Picasso’ cunha charla na que se repasará a influencia que tivo o pintor durante a súa estancia na cidade.

Con este ciclo, o Fórum únese á programación do Ano Internacional Picasso, lembrando a figura do artista e as experiencias vividas que formaron parte do seu desenvolvemento como artista.

A charla, ás 19,00 horas, estará a cargo da xestora cultural Beatriz Álvarez, que falará de obras dos mestres que marcaron o camiño de Picasso.