A alcaldesa e candidata socialista á reelección Inés Rey presentou hoxe ás entidades veciñais 125 medidas para levar a cabo a “segunda gran modernización da cidade”. Rey destacou o traballo feito polo seu goberno neste catro anos nos que, dixo, sentaron as bases do seu modelo de cidade “baseado no desbloqueo dos grandes proxectos, na creación dunha cidade máis amable e humana e na recuperación do orgullo e a ambición”.
“No próximo mandato o noso obxectivo será pór en marcha a segunda gran modernización da cidade, que nos consolide como principal motor económico do país tendo presentes aos nosos barrios e, como xa demostramos neste mandato, sen deixar a ninguén atrás, mellorando os servizos existentes e sumando novos” subliñou.
A alcaldesa deu a coñecer o tres grandes eixos para conseguir a “segunda gran transformación e modernización da cidade”. “Economía, Planificación Urbana e Desenvolvemento Sustentable, Protección Social, Seguridade e Axuda ás Familias e Promoción da Cidade, Patrimonio, Cultura, Turismo e Deporte”, resumiu. “Temos un proxecto sólido e de futuro para seguir impulsando A Coruña que avanza”, sostivo a rexedora na presentación das propostas da súa candidatura.
