O festival ‘Quincegotas’, orientado á danza na rúa, celebrará a súa sexta edición este domingo 4 no Castelo de Santo Antón na Coruña con sete espectáculos dirixidos ao público en xeral, xa sexa coñecedor ou non da danza contemporánea.

A edición deste ano traerá á cidade herculina tres novos espectáculos en Galicia, ademais de ser escenario dunha estrea española. Os organizadores informaron nun comunicado emitido este venres que o obxectivo de realizar o festival na rúa é “investir os papeis: en lugar de achegar á xente á danza, saca a danza dos teatros para achegala á xente”.

A peza ‘Oroimen’, de Akira Yoshida, exhibirase na Coruña por primeira vez en territorio español, mentres que os espectáculos ‘Vientre’, da Cia Maximiliano Sanford e Yeinner Mozas; ‘Honest’, de Kiko López; e ‘No son ojos porque los ves son ojos porque te miran”, de Cave Canem, vanse estrear en Galicia.