InicioDEPORTESTempo de ilusión: Guía para non perderse os playoffs dos equipos da...

Tempo de ilusión: Guía para non perderse os playoffs dos equipos da cidade

Publicada o

Por Ubaldo Cerqueiro

Tempo de ilusión o que chega esta fin de semana, coas principais disciplinas deportivas da cidade na recta final, e con opcións de ascenso.

Dépor e Dépor Abanca

É o caso, claro, do Deportivo, que afronta este sábado ás 19:30h pola TVG2 e G24 o último partido da liga en Pasarón ante o Pontevedra. Todo como previa a un playoff que nos volverá facer sufrir coma sempre.

As que xa están inmersas no playoff son as do Depor Abanca, que afrontan o partido de volta de semifinais do playoff de ascenso á 1ª División do fútbol feminino estatal do sábado 27 ás 12:00 horas entre o Dépor ABANCA e o Cacereño. Hai entradas de balde e se poderá ver pola Canle de Youtube do club. O empate a 0 da ida fai pensar en positivo.

Basquet Coruña

Outro que soña con ascender, este tamén á máxima categoría do basquet estatal, a Liga ACB, é o Basquet Coruña. Faino hoxe venres ás 19:00h e o domingo ás 18:00, no pavillónde Riazor, nos dous primeiros patidos dos Cuartos do playoff ante GUK Guipúzkoa. O cadro laranxa chega coa frecha para arriba e as opcións son máximas de pasar a eliminatoria.

Liceo

E hoxe mesmo tamén, o pavillón de Riazor cambiará laranxa por verde para ver o primeiro partido das Semifinais do playoff polo título do Deportivo Liceo. O cadro de Copa recibe, ás 21:45 ao Calafell para arrincar con boa liña esa fase.

OAR

O cadro de balonmán da da cidade está inmerso na Fase de Ascenso á División de Prata, a segunda do balonmán estatal. Dende onte e ata o sábado disputa a Final Four nun pavillón do Barrio das Flores convertido en recinto monumenta. Onte caía no primiero choque ante Soria pero as posibilidades seguen abertas. O venres os herculinos xogan ás 20:30h ante o CajaSur e o sábado ás 13:00h ante o Granollers. Dúas vitorias poderían darlle o ascenso.

ÚLTIMAS

A AMEGA descubriu a Coruña como gran precursora dos medios en galego

Pechouse na Coruña o ciclo de roteiros xornalísticos para rescatar a memoria da prensa...

Inmobilis in mobile. Manifesto contra a mutilación da beleza

Con este manifesto, a Asociación cultural O Mural e o Colectivo In Nave Civitas...

Así afectará ao tráfico a media maratón deste domingo

Máis de 3.000 atletas participarán este domingo 25 de febreiro as probas de C21...

De Ninghures e Fillas de Cassandra trouxeron a festa dos medios en galego á Coruña

Organizou a Asociación de Medios en Galego (AMEGA), en colaboración co Xornal da Coruña,...

DEIXAR UN COMENTARIO

Please enter your comment!
Please enter your name here