Esta pasada mañá de domingo produciuse un incendio no interior dun garaxe situado na avenida do Portádego, en Culleredo. O suceso tivo lugar sobre as 8.45 horas, cando uns particulares comunicaron á Policía Local que se observaba fume no interior do garaxe, no número 2 desta avenida.

Ata o lugar desprazáronse patrullas da Policía Local de Culleredo, da Garda Civil e dos Bombeiros do Parque Comarcal de Arteixo, que se encargaron de sufocar as lapas.

Non houbo danos persoais. O lume calcinou por completo dous turismos e afectou a un terceiro.

O suceso obrigou a desaloxar os veciños dun dos portais do bloque de vivendas. Os Bombeiros seguen ventilando o lugar neste momento. Investíganse as causas do incendio.