InicioA CORUÑASande: “É necesario exercer autocrítica pero sen autoengano”

Sande: “É necesario exercer autocrítica pero sen autoengano”

Publicada o

Por Ubaldo Cerqueiro

Os crús resultados electorais que colleitaron o pasado domingo a Marea Atlántica e Por Coruña demostraron que o electorado de esquerdas non perdoa a falta de entendemento entre forzas nadas da mesma nai.

No caso da Marea Atlántica, pasou de 6 edís na pasada lexislatura gracias aos seus 25.000 votos, a caer do pleno sumando 5.627 votos (a apenas 150 de conseguir un edil). Case 20.000 votos que se dispersaron nestes comicios entre a alianza de Por Coruña (Podemos, Equo e EU) que sumou 4.800 votos (faltarían preto dos 1.000 para ter presenza plenaria), e BNG (que subiu 6.500 con respecto ao 2019).

Unha lectura que obriga a mirar ás eleccións de 2015, cando a irrupción da Marea Atlántica facía ilusionarse a case 37.000 persoas que brindaron a súa confianza para darlle a alcaldía a Xulio Ferreiro. A caída nestes 8 anos é xigante (só se manteñen 2 de cada 10 votantes daquel 2015), provocando esa dispersión do voto e sobre todo moita abstención.

Mentres na Marea, Xan Xove “prefire agardar ás conclusións feitas en común” que poidan saír da asemblea deste vindeiro sábado 10 de maio, o candidato de Por Coruña, José Manuel Sande bríndase a facer análise e ollar o futuro.

”Por Coruña”

”Creo que a xente quere confianza e non historias raras”, recoñece o candidato de Por Coruña. O independente José Manuel Sande considera necesario “exercer autocrítica pero sen autoengano”, recoñecendo que “si que houbo moita confusión entre o electorado e, no noso caso dificultades, para explicar as diferencias. Creo que a nosa parte sufriu esa desinformación en forma de abstención ou marcha a outras forzas”.

Lanza tamén argumentos sobre a creación do partido: “Eu non estaría aquí se a situación de gobernabilidade e de oposición fose boa”, e valora as cousas positivas da aparición da coalición: “Si creo que a nosa aparición foi novidosa e aportou ilusión para bastante xente”, e precisamente liga esa situación de inicio dun proxecto para avaliar a supervivenza do grupo no período 2023-2027 sen contar con presenza plenaria, e polo tanto sen cartos públicos.

Á pregunta de se o partido vai poder “sobrevivir” esta lexislatura responde: “máis vivir que sobrevivir”, e fai referencia precisamente á “ilusión” dun proxecto recén nacido. “Temos aínda as pilas cargadas, cheas de ilusión, e a ente está responsabilizada con eses 5.000 votos. Os números sinalan que o noso espazo segue vivo”.

Pero volve facer referencia á dispersión. “Aquí, endogamia ou egos sobra. Á política vense a traballar, a ser responsables, a facilitar o consenso e o entendemento”, en relación ás inminentes eleccións estatais de xullo, nas que “a ameaza de gobernos democráticos está aí”.

Considera que “Por Coruña” “estruturalmente é viable”, “temos forzas políticas por detrás, e cidadáns do eido extraparlamentario respaldando”. “Creo que hai que pelexar contra esa idea de que volvemos a hai 15 anos, no sentido do reparto de só 3 forzas políticas”.

ÚLTIMAS

Entidades veciñais convocan en María Pita por unha solución urxente ao problema do lixo pola “inacción” do goberno

Esta semana era a Federación de Asociacións Veciñais FAVA a que deixaba claro que...

Final da Eurocopa na Coruña: pantalla no Palacio dos Deportes de Riazor

A Coruña, Pontevedra, Abegondo e o concello ourensán de Cenlle tamén instalarán pantallas exteriores...

Acordo entre Rueda e Formoso para transferir estradas e centros educativos

O titular do Executivo galego, Alfonso Rueda, e o presidente da Deputación da Coruña,...

O informe da UCD poderá servir de “base” para o deseño da nova fachada marítima

Reuniuse esta mañá a Comisión Especial da Fachada Marítima, no salón vermello do Pazo...

DEIXAR UN COMENTARIO

Please enter your comment!
Please enter your name here