InicioECONOMÍAAlvedro, o aerporto que máis crece de Galicia

Alvedro, o aerporto que máis crece de Galicia

Publicada o

Por editor

Os tres aeroportos galegos moveron entre xaneiro e maio máis de 2,2 millóns de pasaxeiros, un 31,1% máis que no mesmo período do ano anterior, e operaron máis de 22.000 voos, o que supón un incremento do 13,6%. Así o reflicten os datos estatísticos feitos públicos este luns por Aena, que apuntan datos positivos no cómputo xeral de usuarios, con respecto tanto a 2022 (no caso do tres), como a 2019 (no caso de Santiago e Vigo).

En conxunto, os tres aeródromos de Galicia moveron ata maio 2.204.208 pasaxeiros, 523.562 máis que no mesmo intervalo do ano anterior, o que supón un 31,1% máis. O aumento máis importante en cifras correspóndese co aeroporto de Lavacolla-Rosalía de Castro, que moveu no primeiros cinco meses do ano 1.283.885 pasaxeiros, un 21,4% máis que en 2022. No caso dos aeródromos da Coruña e Vigo, experimentaron importantes incrementos porcentuais –do 48,5% e do 46,8%, respectivamente–, e foron utilizados por 487.694 e 432.629 usuarios.

En canto aos voos operados ata maio, foron 22.078 no conxunto de Galicia, 2.649 máis que hai un ano. Por aeroportos, 9.822 foron en Santiago –9,4% máis–, 6.298 na Coruña –14,7% máis– e 5.958 en Vigo –20,1% máis–.

Os datos do mes de maio, pola súa banda, tamén foron bos no tres aeroportos, se se comparan cos de 2022. En concreto, 318.868 persoas pasaron polo Lavacolla-Rosalía de Castro, 107.954 por Alvedro e 98.562 por Peinador. Os incrementos son, respectivamente, do 3,8%, do 26,6% e do 30,6%.

ÚLTIMAS

Cando limpar praias é un verdadeiro exercicio de inclusión

Emocionante xornada a vivida esta mañá na praia de Riazor. A Asociación Mar de...

Aprobado o convenio de financiamento entre Xunta e Concello para licitar o centro de saúde e centro cívico de Santa Lucía

Pasiño a pasiño avanza a eterna rehabilitación do centro de saúde e o centro...

O Museo de Belas Artes acolle na Coruña unha mostra sobre Isaac Díaz Pardo

O Museo de Belas Artes da Coruña acolle unha mostra sobre a figura de...

A Xunta propón recuperar e expoñer os murais de Urbano Lugrís na rúa Olmos

Representantes da Xunta e do Concello da Coruña participaron nun encontro para concretar o...

DEIXAR UN COMENTARIO

Please enter your comment!
Please enter your name here