Éxito rotundo da V Barbería Solidaria celebrada este sábado no Obelisco. Un evento que se viu beneficiado pola boa ubicación (polo Obelisco pasa máis xente que polos Xardíns, ocupados ademais coa Rede Acampa), e conseguíu a súa meirande recadación das 5 edicións celebradas.
Van máis de 4,500€ (conseguidos de 8€ en 8€, que era o que custaba cada corte) destinados á Asociación Coruñesa de Esclerosis Múltiple-ACEM, a outra gran protagonista da xornada.
Segundo Mallo, ademais de ser o gran organizador xunto coa Asociación, foi o animador, o speaker, que foi presentando aos 61 barbeiros/as que perderon cartos e unnha xornada de traballo para participar nesta cita. Moit@s barbeir@s da cidade, pero tamén da Estrada, As Palmas de Gran Canaria, Ourense, Valladolid, Vigo, Lugo, Ortigueira, Arteixo, Córdoba, Alcorcón… xentes que se achegan pola súa conta ata aquí para vivir esta toda experiencia común.
Entre as personalidades singulares, cómpre destacar a presenza de Lucas, o xogador do Dépor. Tamén estivo o alcalde de Sada, Benito Portela (Sadamaioría), que despois da súa investidura si tivo tempo para pasarse polo evento.
Por parte do Concello achegouse a última hora a Concelleira de Servizos Sociais Yoya Neira, á que ao equipo de barbeir@s agradeceu a colaboración con toda a parte de montaxe e técnica.
