Hablamos Español, a entidade que dirixe Gloria Lago, ex presidenta de Galicia Bilingüe, comezou unha campaña con valados en diferentes concellos de Galicia co obxectivo de “desgaleguizar” a súa toponimia oficial. “A nosa campaña é para dar visibilidade aos topónimos en español que ao longo dos últimos anos foron desaparecendo da vida oficial. Trátase de nomes de lugares de longa tradición, como Biscaia, Xirona, Ourense ou Eivissa”, critica a entidade.

Dentro desta campaña, a entidade colcou un valado na Coruña na que se pode ler: “Bienvenidos a La Coruña, ciudad que en gallego es A Coruña”. O mesmo fixo este martes en Sanxenxo, nun valado que durou horas. “Pouco tempo despois de que o valo de Sanxenxo fose instalado, entidades nacionalistas hispanófobas empezaron unha campaña de acoso en redes”, denuncia a entidade.

Unha presión que, segundo critica, obrigou a Alcampo, empresa propietaria do terreo onde está o valo a retirala por outra. “O equipo xurídico de Hablamos Español xa está a traballar. Reaccionaremos de forma contundente e con todas as armas que a lei pon ao noso alcance. O ocorrido onte é un disparate e unha mostra de fanatismo”, critica.

A campaña está sufragada “grazas aos donativos de apoio á mesma de multitude de colaboradores de toda España”, di e co que consiguen do libro “El robo de los nombres de nuestos pueblos. El despropósito de la toponimia en España”.