A Garda Civil do Posto Principal de Cambre en colaboración coa Policía Local conseguiu deter un home como presunto autor dun delito de roubo con violencia.

Todo tras un suceso acontecido o pasado 22 de xuño, cando o home entraba nunha farmacia de Cambre disfrazada e coa cara cuberta por unha máscara, ameazando aos empregados do establecemento cunha suposta arma de fogo e un coitelo, subtraendo medicamentos.

Despois de que esta persoa abandonase as instalacións, os empregados do establecemento denunciaron os feitos ao Centro de Operacións de Servizos (COS), mobilizando de inmediato aos compoñentes do devandito Centro ás patrullas do servizo da zona, aparecendo varias patrullas nun curto espazo de tempo, Iniciando unha operación de busca na zona, con resultados negativos.

Trala investigación, apoiada pola colaboración cidadá, conseguiron identificar ao suposto autor do delito de roubo con violencia, realizaron un rexistro do seu domicilio,  achando no transcurso do mesmo as pezas de vestir utilizadas para ocultar a súa identidade, así como a pistola e coitelo simulados empregados no crime.