A sección sindical da CIG denunciou “a persecución e a represión” que está a sufrir unha delegada no Concello da Coruña. Así o manifestaron representantes do colectivo nunha rolda de prensa convocada este xoves na cidade herculina para informar da “persecución, acoso e represión” que o concelleiro de Persoal do consistorio, José Manuel Lage Tuñas, exerce sobre a delegada da central nacionalista Cristina Díaz, a quen impuxo “unha sación de 15 días de suspensión de emprego e soldo por unha falta grave”.
Os representantes do sindicato xriticaron a actitude “rencorosa e vengativa” coa que, na súa opinión, Lage xestiona a persoal de servizo municipal. Para a CIG, o concelleiro vincula á delegada da CIG como “responsable de comentarios negativos en redes sociais sobre a súa persoa”, feito que cualificou de “rigorosamente falso” pero que provocou o “acoso sistemático contra a compañeira”.
Estas actuacións “antisindicalistas e antidemocráticas”, segundo engade, foron denunciadas nos xulgados e son derivadas do “traballo sindical de denuncia contra a xestión de persoal, o uso arbitrario das comisións de servizo, a súa ilegalidade e a non execución das sentenzas que por este motivo acumula o Concello da Coruña”.
Respecto diso, Carballo lamentou que o PSOE “non quixese atender a solicitude de reunión cursada pola CIG, que se atenderon o PP e o BNG” ante estes “actos de represalia”.
MOBILIZACIÓNS
Ademais, anunciaron a convocatoria dunha concentración este venres día 7, ás 11,30 horas na praza de María Pita.
A VERSIÓN MUNICIPAL
Segundo informan dende o consistorio, “O concello formulou un expediente a un funcionario por difusión de datos persoais dos usuarios dos servizos sociais fóra do concello, o que constitúe unha infracción grave por vulnerar a protección de datos. A área de Benestar solicitou a incoación de expediente para os devanditos feitos”, sinalan.
