Quedou pequena María Pita para recibir un dos ídolos da parroquia branquiazul. Lionel Scaloni (non Messi, como se trabucou a alcaldesa Inés Rey no momento da presentación) abría, co pregón, as festas de María Pita.

Antes da errata, Rey presentouno como “un coruñés de arxentina que nos recorda que aquí, en branco e azul, somos campións do mundo”.

O ex xogador do Deportivo e seleccionador de Arxentina, pronunciou un emotivo discurso no que lembrou os seus anos na cidade. “Vir á Coruña e xogar no Deportivo foi a mellor decisión da miña vida. Aquí recibíronme e tratáronme incrible”, dixo Scaloni. Deixou caer que os camiños entre el e a cidade, e o club, volverán atoparse

A primeira xornada rematou coa actuación do cantante británico de orixe libanés MIKA, que inaugurou co seu pop o escenario das Noites de María Pita, mesmo falando en galego para a parroquia herculina.

Programación Noites de María Pita

• 2 de agosto, 22.00 horas: Víctor Manuel

• 3 de agosto, 20.30 horas: Locos Coruña: Seguridad Social, Melon Diesel, Rafa Sánchez, Revolver. Artistas invitados: The Refrescos, Miguel Costas, Tennesse, Guaraná e La Poptelera

• 4 de agosto, 22.00 horas: Amaia Romero

• 5 de agosto, 22.00 horas: Vanesa Martín

• 6 de agosto, 22.00 horas: El Kanka

• 7 de agosto, 20.00 horas: Rock en familia

• 8 de agosto, 22.00 horas: Waterboys

• 13 de agosto, 22.00 horas: Los40 Summer Live: Zzoilo, Leo Rizzi, Marlon, Hilario, Paula Cendejas, Polo Nández, Álvaro de Luna, Nickzzy, Miki Núñez, Charlie USG e Paula Koops.

• 15 de agosto, 22.00 horas: Xabier Díaz

• 16 de agosto, 22.00 horas: Umberto Tozzi

• 20 de agosto, 22.00 horas: Mangüi sempre en nós. Concerto homenaxe-celebración a Manuel Martín “Mangüi” con Os Diplomáticos de Monte-Alto, Antón Reixa, Bieito Romero, Josito Pereiro, Mercedes Peón, Paco Lodeiro, Uxía