InicioCULTURAMondra e Fillas de Cassandra lanzan novos traballos

Mondra e Fillas de Cassandra lanzan novos traballos

Publicada o

Por editor

A nova escena musical galega segue collendo músculo. Dúas das bandas emerxentes do país, que están conseguindo achegar a música tradicional á mocidade, presentan novas propostas.

É o caso das Fillas de Cassandra, das que xa comprobamos a súa potencia no marco do Atlantic Fest. As artistas xa nos deleitaron co “Negra Sombra”, que veñen de incluír no recompitalorio “Puro Deleite”, un traballo que se propón revisitar cancións históricas do país nas voces máis coñecidas da música galega contemporánea.

Mondra, outra das voces máis singulares e prometedoras do panorama actual, publica hoxe, mércores 20 de setembro o seu primeiro LP: ARDĒN (Altafonte Music Spain, 2023). Producido por Berto e editado por Altafonte, o traballo estará dispoñible nas principais plataformas dixitais e en formato CD de edición limitada e única. 

Cantareiro, bailador, instrumentista e compositor, Mondra é o cocreador, xunto con Berto, dalgúns dos temas máis coreados e escoitados este verán en Galicia, como é o caso de PUNHETA!, no que tamén participan as Fillas de Cassandra, RUMBAMBĀ ou o máis recente RUANDO, o novo sinxelo do artista xunto a Aida, de Tanxugueiras, que viu a luz o pasado 1 de setembro. Todos estes temas formarán parte de ARDĒN, o álbum debut de Mondra, unha proposta ambiciosa, luminosa e reflexiva ao tempo; que salienta pola súa marcada identidade así como pola rebordante dimensión electrónica dun proxecto que dialoga coa música tradicional galega.

ARDĒé unha celebración, un apoderamento da liberdade, un traballo conceptual no que Mondra introduce ás ouvintes nunha terra que saúda a liberdade, os afectos e o amor.

A CAPITOL ACOLLE O CONCERTO DE PRESENTACIÓN DE ARDĒN O 29 DE SETEMBRO

ARDĒN é unha celebración, un apoderamento da liberdade. Este espazo libertario de Mondra alcanza a súa máxima expresión na FOLĪA das ARDENTES, o vibrante directo do artista que chegará o venres 29 de setembro á Sala Capitol na que será a primera -e singular- presentación pública de ARDĒN. Será unha noite na que Mondra despregará unha proposta contundente, dinámica e liberadora. “Preparamos unha actuación única, con máis forza que nunca”, avanza o artista. As últimas entradas para a cita están dispoñibles na web oficial www.salacapitol.com.

 

Máis novas

Tanxugueiras rematará a súa xira “Diluvio” no Coliseum cun concerto especial

As Fillas de Cassandra ou o destape da música tradicional galega

ÚLTIMAS

Primeiras queixas pola tardanza na publicación do programa das Festas de María Pita e do Noroeste

"Improvisación e falta de compromiso co tecido veciñal". Así define e denuncia o Movemento...

Decretada prisión provisional para un detido polo apuñalamento do Burgo

A maxistrada do Xulgado de Instrución nº3 da Coruña, en funcións de garda, decretou...

[Galería]: 45.000 persoas ratificaron o Atlantic Pride como a cita máis Orgullosa do norte do estado

Fai balance o Atlantic Pride da súa 6ª edición. O festival do ‘Orgullo do...

Xa’lum desafía o prohibido e marida a tradición galega co seu francés de orixe

"L’interdit" é o novo sinxelo de Xa'lum. Despois de Beiriña, a artista herculino/francesa saca...

DEIXAR UN COMENTARIO

Please enter your comment!
Please enter your name here