InicioDEPORTESPunto de non retorno

Punto de non retorno

Publicada o

Por Miguel Barreiro Bugallo
  • Xornada 8 – Ponferradina 1 – Depor 1
  • Empate esperanzador do Depor no Bierzo.
  • Oitavo partido de Imanol Idiakez como adestrador do Depor en partido oficial (1V 5E 2D)

—- —- —

Cando parecía que o circo Depor botaba andar no Bierzo o pasado domingo coa expulsión de Pablo Martinez aos 10 minutos de xogo e que quedaban 80 minutos na casa dun dos favoritos ao ascenso, viraron as tornas e apareceu o Dépor máis sólido do que vai de tempada. Sólido no aspecto de bloque defensivo e saber sufrir, cousa esta última que non amosamos nas setes xornadas anteriores. A actitude deste Dépor en Ponferrada non perdería o partido de Fuenlabrada e tivera gañado os partidos de casa que remataron en empate. Pode que esteamos diante de ese punto de non retorno ao oscurantismo deste principio de tempada. Pode, tamén que se eleve o listón da competitividade do equipo e que xa esteamos en condicións de mirar cara arriba.

O Dépor xa tirou por terra a primeira volta, a súas opción de liderato e pode que tamén o ascenso. Iso é o que nos din os resultados e a actitude dalgúns xogadores. Pero, coma o fútbol é un estado mental, tan pronto collamos a boa senda trocarán todos os obxectivos e volveremos falar de ascenso, de Pichichis e de Zamoras. Restan cinco partidos para saber por que loitará este equipo e todo indica que será por algo ben distinto do das tempadas pasadas.

Mirar a clasificación en outubro non ten ningún valor, “… iso é de mileuristas …” que diría Llados Fitness, pero é que non ten ningún valor máis aló de manter entretidos aos aburridos. Esa clasificación sitúa ao Dépor no descenso a 2ª RFEFF. Está claro que o Depor non vai ocupar esas posicións en marzo, de aí o pouco sentido de vixiar iso agora. Pero sirve para afrontar cada semana de traballo sabendo onde estás e de onde tes que saír.

Só falta saber se os xogadores e adestrador saben onde teñen que ir, cousa que ás veces só parecen ter claro os 28.000 deportivistas e “gilipollas”.

 

  • Miguel Barreiro Bugallo. Coruñés e deportivista no exilio mesetario. Sufrindo ó depor dende 1988. O que sei de fútbol, o Depor empéñase en negarmo. Firme defensor do fútbol de botas negras.

MÁIS CRÓNICAS DO DÉPOR

ÚLTIMAS

A Coruña, provincia onde os pequenos concellos de interior votan de xeito conservador mentres a costa se moderniza

Galicia é diversa. A nosa terra é un territorio onde nada ten que ver a...

A Xunta presenta unha oferta por 35.000 euros para adquirir os murais de Lugrís da rúa Olmos da Coruña

Despois da polémica xerada entre a sociedade civil pola posta en venda dos murais...

O tempo descafeinou O Gran Camiño

Mágoa o temporal desta mañá que agriou a celebración de O Gran Camiño na...

A AMEGA descobre a historia dos medios en galego da cidade

Ademais do Festival de Música Galega contemporánea deste xoves, e para o que xa...

DEIXAR UN COMENTARIO

Please enter your comment!
Please enter your name here