- Xornada 6 – Fuenlabrada 2 – Depor 1
- Primeira derrota do Dépor na presenta tempada. Víase vir.
- Sexto partido de Imanol Idiakez como adestrador do Depor en partido oficial (1V 4E 1D)
——-
Chegou a primeira derrota da tempada para o Depor da maneira máis inesperada posible. Non por isto deixou de ser merecida, porque xa levaba o equipo unha racha negativa nos últimos tres partidos. Mais erros cometidos en Fuenlabrada que se suman os das pasadas xornadas.
Erros de cara ó gol, erros clamorosos na defensa, erros por todas partes.
Xoga o Dépor con fogo, pois estamos a falar xa de remontadas, de trocar a situación, darlle a volta na xornada sete, expresións todas elas xa coñecidas no club que nunca remataron nun ascenso. Recordou o Depor ao equipo visitante vulgar, frouxo no choque, débil nas marcas, desconectado da competición, que tanto recorda aos “méritos” de Oscar Cano da tempada pasada. Temos antes nos a transformación do Depor de Idiakez no Depor de Cano. Difícil, pero certo.
A Imanol Idiákez quédanlle dous partidos de marxe, pode que tres, porque parece un tipo razoable, de trato amable e que cae ben dentro do consello de administración. Unha derrota contra o Celta Fortuna na fin de semana próxima, aceleraría a súa destitución. Custa crer que en seis partidos o equipo xa perda a comba do liderato e dos postos altos, cunha diferencia de nove puntos de dezaoito xogados. O Depor xa esgotou o marxe de erro. Difícil crer que esteamos de novo vivindo un deja vú da etapa de Cano.
- Miguel Barreiro Bugallo. Coruñés e deportivista no exilio mesetario. Sufrindo ó depor dende 1988. O que sei de fútbol, o Depor empéñase en negarmo. Firme defensor do fútbol de botas negras.
MÁIS CRÓNICAS DO DÉPOR
- Miguel Barreiro: Pobre arranque dun Dépor errático
- Miguel Barreiro: O Dépor faino todo.
- Miguel Barreiro: As novas posibilidades do Dépor.
- Miguel Barreiro: Volta ao verde.
