InicioCULTURACUAC FM celebra con música local polas salas da cidade os 25...

CUAC FM celebra con música local polas salas da cidade os 25 anos do seu Concurso de Bandas e solistas

Publicada o

Por Ubaldo Cerqueiro
A emisora libre e universidade da Coruña, Cuac Fm leva apostando polo apoio á música de artistas pouco coñecidos dende 1996. Paralelamente, o Concurso de Bandas e Solistas, con algún cambio de nome, chegou á súa XXV edición en 2023 e había que celebralo.
A familia xa celebrou o pasado 6 de outubro un gran concerto de Sickeeper e Crowded na Sala Filomatic, dunhas bandas moi novas mais cunha proxección espectacular.

Pero ciclo de concertos gratuitos continúa, coa colaboración do Concello da Coruña, e serán un total de cinco noites nas salas máis activas da cidade: Jazz Filloa, Garufa Club, Sala Mardi Gras, Sala Filomatic e La Disfrutona del Orzán.

En todos darase a oportunidade de deixar unha aportación económica voluntaria para a Cociña Económica da Coruña, unha desas entidades que fan unha labor incrible por toda a xente que a precisa.

A semana que comeza poderás disfrutar do talento de Leticia Rey Quintet, no mítico Jazz Filloa con case 43 anos de vida. Será o martes 24 en dous pases, ás 21:45 e ás 23:00.

Leticia Cuadrada GPS
Leticia Cuadrada

E o sábado 28 chega o turno de Las Antonias e Amoebo no Garufa Club, con apertura de portas ás 22:00 horas.

Xa en novembro, o sábado 11 o ciclo visitará á sala máis xoven da cidade, La Disfrutona del Orzán, con Somos La May e Krece no seu esceario.

O ciclo rematará con Mixing Martines o día 22 de decembro na Sala Mardi Gras.

Ademáis dos concertos, estase a preparar un fermoso obxecto que servirá tamén para celebrar eses 25 anos do noso Concurso de Bandas e solistas. 

 

ÚLTIMAS

Inmobilis in mobile. Manifesto contra a mutilación da beleza

Con este manifesto, a Asociación cultural O Mural e o Colectivo In Nave Civitas...

Así afectará ao tráfico a media maratón deste domingo

Máis de 3.000 atletas participarán este domingo 25 de febreiro as probas de C21...

A AMEGA descobre a historia dos medios en galego da cidade

Ademais do Festival de Música Galega contemporánea deste xoves, e para o que xa...

De Ninghures e Fillas de Cassandra trouxeron a festa dos medios en galego á Coruña

Organizou a Asociación de Medios en Galego (AMEGA), en colaboración co Xornal da Coruña,...

DEIXAR UN COMENTARIO

Please enter your comment!
Please enter your name here