InicioCULLEREDOAs familias do Conservatorio do Burgo volven cargar contra o Concello de...

As familias do Conservatorio do Burgo volven cargar contra o Concello de Culleredo pola “desatención” do centro

Publicada o

Por editor

Despois dun curso pasado practicamente enteiro de mobilizacións, as familias do Conservatorio Profesional de Música de Culleredo volven protestar. “Logo da situación de desatención do curso pasado que obrigou ás familias a mobilizarse e manifestarse todos os mércores dende febreiro a maio de 2023 e tamén os domingos no feirón, atopámonos novamente na mesma situación: sen 5 profesores e o alumnado desatendido”, denuncian.

A ANPA do centro volve pedir “protesores, xa!” porque neste comezo de curso faltan 5 profesores para desenvolver a actividade normal. “Sentínomos desamparados polo Concello de Culleredo”, sinalan denunciando a “desatención, a falta de respecto e a deixadez coa que o Concello volve a tratar a todas as persoas afectadas pola súa ineficacia e desinterese pola resolución das problemáticas de xestión de persoal que levamos padecendo durante moitos anos”.

Aseguran que neste comezo de curso, houbo un retraso no comezo do mesmo e faltan 5 profesores (1 docente de frauta, 1 docente de guitarra e 3 docentes de piano). Relatan que o Concello lle comunicaba á ANPA que finalizara o proceso de selección para cobertura temporal de postos vacantes o pasado 4 de outubro, pero “20 días despois, non se formalizaron os contratos para que estes profesionais comecen a traballar e dar as clases”.

As familias teñen en conta que a falta de profesorado incide na “sobrecarga de traballo no resto persoal docente do centro”. “A que esperan para formalizar os contratos?” pregúntase a ANPA, que deixa claro que teñen a pancarta preparada para volver á rúa.

ÚLTIMAS

A Coruña, provincia onde os pequenos concellos de interior votan de xeito conservador mentres a costa se moderniza

Galicia é diversa. A nosa terra é un territorio onde nada ten que ver a...

A Xunta presenta unha oferta por 35.000 euros para adquirir os murais de Lugrís da rúa Olmos da Coruña

Despois da polémica xerada entre a sociedade civil pola posta en venda dos murais...

O tempo descafeinou O Gran Camiño

Mágoa o temporal desta mañá que agriou a celebración de O Gran Camiño na...

A AMEGA descobre a historia dos medios en galego da cidade

Ademais do Festival de Música Galega contemporánea deste xoves, e para o que xa...

DEIXAR UN COMENTARIO

Please enter your comment!
Please enter your name here