Varios surfeiros axudaron na mañá deste venres a saír do mar a un bañista en apertos na zona de Riazor, na Coruña. Tal como informou o 112 Galicia, pasaban as 11.30 horas cando o Centro Integrado de Atención ás Emerxencias recibiu un aviso de que un bañista estaba en apertos en Riazor, mentres que varios surfeiros trataban de axudalo, aínda que a corrente dirixíaos a unha zona de pedras.

Así, solicitouse a colaboración das urxencias sanitarias, de salvamento marítimo, do servizo de Gardacostas de Galicia, do grupo acuático de bombeiros e da Policía Local da Coruña. Finalmente, o bañista conseguiu chegar a terra con axuda dos surfeiros e indicou que non necesitaba asistencia sanitaria.