InicioPOLÍTICAO "Hospital Menguante", o exemplo de como a Xunta maquilla os Orzamentos...

O “Hospital Menguante”, o exemplo de como a Xunta maquilla os Orzamentos para a Coruña

Publicada o

Por Ubaldo Cerqueiro

A repetición de partidas que non foron executadas o ano anterior é o truco máis habitual que usa o goberno popular da Xunta para asegurar o seu “compromiso” cos diversos territorios. Acontece de novo cos Orzamentos da Xunta 2024.
“A Xunta de Galiza gábase dun maior esforzo que en pasados exercicios, porén, o certo é que se reiteran partidas que xa estaban consignadas en anualidades anteriores, mais que non se chegaron a executar. Falamos aquí da Fachada Marítima, o Centro de Saúde de Santa Lucía, o Rexurbe Coruña ou o Albergue de Peregrinos”.

Así resumiu Francisco Jorquera o procedemento utilizado polo Goberno Galego para presentar como expansivo un orzamento “nada críbel” dados os precedentes. O BNG califica as cifras dos Orzamentos para Coruña como “ficticios”.

EXEMPLOS

“O exemplo paradigmático témolo na partida destinada ao denominado como novo CHUAC. Nas contas aparecen 41 millóns de euros, 5,5 menos do que figuraba na previsión de 2023 e 44,6 menos do que se anunciara en 2022″, explican, lamentando que nos atopamos ante o “Hospital Minguante

Outros exemplos do que o BNG considera como “un orzamentos propagandísticos” é o Ecobarrio de Elviña, un proxecto para o que o daquela presidente da Xunta, Alberto Núñez Feijoo, anunciou en agosto de 2019 un investimento de 33 millóns de euros. “Pasados catro anos daquel rimbombante anuncio, como di a frase popular, se te vin non me lembro…”.

Mercado de vivenda

Lembran dende o BNG o exercición de “vender fume” como fixera coa pasarela de Santa Cristina, e critica a súa oposición á declaración da Coruña como mercado residencial tensionado.
“Quero lembrar que a Xunta é quen ten as principais competencias en materia de vivenda. A súa oferta de moradas públicas na Coruña é ridícula. E, alén diso, nos últimos anos deixou de executar máis de 70% do orzamento para vivenda”, denunciou.

A comarca

Tamén critica a falta de investimentos na “comarca da Coruña, composta polos concellos da Coruña, Arteixo, Oleiros, Culleredo, Cambre, Carral, Cerceda e Sada, que ten case 400 mil habitantes e suma moitas potencialidades como motor industrial e económico. E como responde a Xunta ante esta realidade? Pois cunhas contas rutineiras, e sen un só euro para Carral, Cerceda, Culleredo, Cambre e Oleiros e con partidas menores para Arteixo e Sada”.

Mercedes Queixas denuncia que non hai o máis mínimo impulso en política industrial -a pesar de a Xunta ter competencias exclusivas- nin tampouco en materia de mobilidade -coa Vía Ártabra paralizada e sen gratuidade para a AG-55”.

Lembra que non hai previsión de construción de novos centros en Arteixo e Cambre a pesar do incremento da poboación neses concellos.

ÚLTIMAS

De Ninghures e Fillas de Cassandra trouxeron a festa dos medios en galego á Coruña

Organizou a Asociación de Medios en Galego (AMEGA), en colaboración co Xornal da Coruña,...

O porto da Coruña prevé superar este ano a afluencia de cruceristas, con máis de 150 escalas

O porto da Coruña prevé superar este ano a afluencia de cruceristas por terceiro...

Sorprendido en Salamanca un coruñés con 7 quilos de haxix ocultos no seu coche

Axentes da Garda Civil detiveron a un home por levar no seu coche 14 paquetes de...

A Coruña, provincia onde os pequenos concellos de interior votan de xeito conservador mentres a costa se moderniza

Galicia é diversa. A nosa terra é un territorio onde nada ten que ver a...

DEIXAR UN COMENTARIO

Please enter your comment!
Please enter your name here