InicioMOV. SOCIAISA Xunta e as Deputacións ameazan aos Bombeiros: “A proposta de convenio...

A Xunta e as Deputacións ameazan aos Bombeiros: “A proposta de convenio non é viable”

Publicada o

Por Ubaldo Cerqueiro

Este mediodía de martes 31, previo de festivo, as 4 Deputacións e a Xunta de Galicia vén de enviar unha carta ás representacións sindicais dos catro Consorcios Provinciais do servizo contraincendios e salvamento. Unha carta crúa, na que deixan claro que “a proposta de convenio presentada pola representación sindical non é viable nin económica nin xuridicamente”.

As administracións, que queren resaltar a súa “vontade negociadora” e que aseguran ter “informes favorables”, ameazan aos traballladores de xeito claro: “a rotura unilateral dun acordo firme e negociado por unha das partes pode ter diversas consecuencias, como o incumprimento das obrigacións pactadas, e a posibilidade de interpoñer reclamacións legais ante os tribunais de xustiza”.

As administracións deixan claro o seu interese de “pór en marcha un proceso selectivo atendendo aos principios de publicidade, obxectividade e concurrencia, pois e caso contrario estaríase a vulnerar os mencionados principios constitucionais de acceso á función pública”. Así, invitan ás representacións sinficais “a que presente unha nova proposta de convenio viable para ambas as partes e que responda aos criterios aos que as administracións públicas se ven sometidas de acordo coa Lei de Orzamentos do Estado”, pedindo “un cambio no modelo de reunións de negociacións levadas ata agora”.

A visión dos traballadores

Dende as centrais sindicais que representan aos traballadores, por agora non queren facer valoracións a nivel oficial, se ben aseguran que “nos invitan a presentar unha proposta pero xa teñen unha nova proposta de convenio enriba da mesa”. Mentres, seguen esperando que fagan a Relación de Postos de Traballo, para que se apliquen os pluses de festividade, nocturnidade, turnicidade, perigosidade, toxicidade… unha das demandas das mobilizacións que levan realizando ao longo dos últimos meses.

”É unha vergonza que esteamos cobrando 1.200€ sen trienos, cando en todas partes cobran de 2.000 para arriba”, sinalan os traballadores. “Pero é máis grave as condicións nas que traballamos, e a mala xestión que están facendo, que nos obriga a traballar con só 3 persoas de garda, para cubrir zonas de poboacións de 150.000; mentres hai zonas que quedan desprotexidas polos peches inxustificados, cando nós o único que estamos facendo é non aceptar facer horas extras”.

Mobilizacions dos Bombeiros contra Xunta e Deputacions 2

Máis novas

Máis de 300 Bombeiros maniféstanse na Coruña ante unha enorme despregadura policial

ÚLTIMAS

Inmobilis in mobile. Manifesto contra a mutilación da beleza

Con este manifesto, a Asociación cultural O Mural e o Colectivo In Nave Civitas...

Así afectará ao tráfico a media maratón deste domingo

Máis de 3.000 atletas participarán este domingo 25 de febreiro as probas de C21...

A AMEGA descobre a historia dos medios en galego da cidade

Ademais do Festival de Música Galega contemporánea deste xoves, e para o que xa...

De Ninghures e Fillas de Cassandra trouxeron a festa dos medios en galego á Coruña

Organizou a Asociación de Medios en Galego (AMEGA), en colaboración co Xornal da Coruña,...

DEIXAR UN COMENTARIO

Please enter your comment!
Please enter your name here