InicioCULTURAOs galegos PAMP triunfan coa homenaxe a Ana Kiro na Eurovisión da...

Os galegos PAMP triunfan coa homenaxe a Ana Kiro na Eurovisión da IA celebrada na Coruña

Publicada o

Por europapress

O grupo neerlandés Synthetic Beat Brigade, coa canción ‘How would you touch me?‘, venceu a AI Song Contest 2023, coñecido como a Eurovisión mundial da Intelixencia Artificial. Obtivo 20,5 puntos tras a votación combinada do xurado e o público. A proposta gañadora empregou diferentes tecnoloxías de intelixencia artifical para xerar tanto a música como a letra a partir dunha análise de todas as cancións que competiron en Eurovisión entre 2010 e 2019. A canción versa sobre un amor inalcanzable entre unha IA e un ser humano.

Na gala, celebrada na noite do sábado desde A Coruña, a proposta galega ‘Florespiña‘, de PAMP! e Ana Kiro, ‘revivida’ grazas á tecnoloxía, quedou terceira con 18,9 puntos. A pesar de ser a menos valorada polo xurado, foi a favorita do público. En segundo lugar quedou ‘Bandschleifer‘, a proposta alemá, de Dadabots, con 19,3 puntos. En total, participaron 10 candidaturas de Alemaña, Canadá, España, Galicia (a anfitrioa), Estados Unidos, India, Países Baixos, Portugal, Reino Unido e Suecia.

O evento non estivo exento de polémica. A gala tería que ser presentada pola actriz Nieves Rodríguez e os xornalistas Ricardo Saavedra e Belén Rivero. Con todo, renunciaron a participar pola “negativa expresa a asinar un contrato de traballo” por parte da organización, segundo un comunicado que compartiron a través das súas redes sociais.

“Por respecto ao noso propio traballo e ao sector profesional ao que pertencemos, o equipo de dirección e os presentadores que iamos formar parte da gala AI Song Contest decidimos desvincularnos dese proxecto”, sinalan nun texto no que tamén agradecen aos patrocinadores públicos e privados deste evento, “seguramente descoñecedores desta situación”. A pesar diso, a gala celebrouse en inglés, castelán e galego con tres presentadores alternativos e contou cunha actuación de apertura do grupo de música tradicional galega Xacarandaina.

Podedes ver aquí a gala completa, e pinchamos dende o premio galego!:

ÚLTIMAS

O Día do Libro celébrase co 150 aniversario de Picadillo, o gran supervendas da cociña

Vai coñecendo a xente da Coruña, e de Arteixo, a historia Manuel Puga y...

Convocan unha concentración no Foro Económico para esixir a titularidade pública dos peiraos de San Diego e Petroleiro

O colectivo Defensa do Común, que aínda onte lideraba un escrito asinado por 30...

Galician Beats, o catálogo da música electrónica galega da última década

O estado de saúde da música galega contemporánea é o mellor é décadas. Diso...

O Goberno local levará ao próximo pleno o procedemento para reclamar a titularidade da Casa Cornide

Coa presión da oposición e mesmo da Xunta, o Goberno local dá un paso...