O Concello da Coruña ultima a finalización das obras no barrio de Xuxán, á vez que avanza nas conexións con Matogrande, segundo expuxo a alcaldesa, Inés Rey, na visita á zona.

Os traballos están centrados acutalmente na construción do paso en ‘O’ coa rúa Juan Díaz Porlier e o falso túnel sobre a liña ferroviaria.

Para as próximas semanas, inclúese a ampliación do ramal de subida da AC-10 a Eirís, así como o pavimentado do novo aparcadoiro público próximo a Sebastián Martínez Risco, con 28 prazas.

A alcaldesa remarcou que estas obras de urbanización execútanse desde 2022 e que a praza central está “practicamente lista”. “Para Nadal estará aberto”, avanzou.