A Xunta adxudicou, por importe de 22 millóns de euros, a execución das obras de mellora dos accesos do ‘Novo Chuac’ pola ampliación do complexo hospitalario.

O contrato, que engloba o proxecto e a execución das obras, foi adxudicado á UTE Pontes e Calzadas Infraestruturas S.L.U. – Francisco Gómez e Cía., S.L.- Vázquez e Reino, S.L.

Os traballos teñen como obxectivo “mellorar o modelo actual de accesos e adaptalos ao proxecto do ‘Novo Chuac’ e á mobilidade da contorna, a través dun esquema sinxelo e entendible por todos os usuarios”.

Así o explica nun comunicado no que incide en que “á vez que a Xunta avanzou na contratación desta actuación, realizáronse os actos expropiatorios, o que permitirá que a UTE adxudicataria poida realizar os labores de geotecnia ou topografía de detalle nas parcelas na fase de redacción do proxecto construtivo”.