O subdelegado do Goberno na Coruña, Xullo Abalde, presidiu este luns unha reunión con representantes dos concellos da área coruñesa, así como de diferentes organismos da Administración Xeral do Estado e das Forzas e Corpos de Seguridade. O obxectivo do encontro foi tratar a preparación do operativo de seguridade ante a eclipse total de sol prevista para o próximo 12 de agosto deste ano.

A reunión serviu para analizar os principais retos organizativos que implica este fenómeno astronómico e avanzar na planificación dos dispositivos de seguridade, mobilidade e emerxencias a partir da definición, por parte dos concellos, dos puntos de observación da eclipse. Durante o encontro, Xullo Abalde explicou que este será o primeiro dos tres eclipses que se poderán observar desde España nos próximos anos, coñecidos como o ‘Trío de Eclipses 2026-2027-2028’.