Incrible o concerto que armaron as Tanxugueiras este pasado sábado no Coliseum. Case 10.000 persoas (agotáranse as entradas) ateigaron o auditorio pechado máis grande da cidade e do país, para demostrar, unha vez máis, que a música galega contemporánea non ten límites.
Era unha cita especial, como peche da súa xira “Diluvio”, que contou con grandes colaboracións como as de Mondra ou a Fillas de Cassandra, dúas das revolucións do “tradi” galego que abriu o festival. Pasaron polo escenario Rayden, Rozalen ou Guadi Galego, facendo as delicias dos asistentes .
As crónicas de todos (ou case) xornais recollen o fito histórico deste concerto para unha banda do país:
.@tanxugueiras fixeron historia onte ante un Coliseum da Coruña ata a bandeira. Convertéronse así nas primeiras artistas en galego en encher o maior recinto de concertos do noroeste da Península. pic.twitter.com/7rolWLVXW8
— PlayPlan (@PlayPlan_) December 17, 2023
Estiveron á altura dun Coliseum cun espectáculo brillante, completo e case dúas horas a un ritmo constante.
A valía da música galega quedou máis que constatada a través das @tanxugueiras .
Esta fogueira que por fin prendeu temos que mantela entre todas. pic.twitter.com/ciubHxOm1E— Ábrete de Orellas (@abretedeorellas) December 17, 2023
