InicioM.AMBIENTE E PATRIMONIOIn Nave Civitas e o Mural celebran o XIV Día Lugrís "Reivindicando...

In Nave Civitas e o Mural celebran o XIV Día Lugrís “Reivindicando o acceso á beleza!”

Publicada o

Por editor

Baixo o lema “Reivindicando o acceso á beleza!” a asociación cultural O Mural e o colectivo In Nave civitas celebran os 22 e 23 de decembro o XIV día Lugrís. Despois de máis dunha década loitando pola conservación da obra pública do pintor Urbano Lugrís, os colectivos invitan á veciñanza a participar nunha xornada para afondar sobre a reinvidicación da protección dun conxunto muralístico único que se atopa nunha casa en ruínas na rúa Olmos da Coruña.

A xornada do venres 22 centrarase nun Faladoiro pola recuperación dos Murais, que se desenvolverá a partir das 18:30h no Circo de Artesáns.

Xa o sábado 23 arrincará ás 18:00h no Obelisco cunha Pintada de Paraugas con motivos da obra de Urbano Lugrís.
Para iso, convidan ás participantes que leven, chova ou non, os seus propios paraugas, pinturas e todo o seu enxeño.

A partirdas 19:30 horas, realizarase unha Manifestación Atlántica dende o Obelisco na que os participantes cos paraugas decorados, as súas mellores galas mareiras e todo a potencia da obra de Lugrís percorrerán algúns dos lugares onde Urbano deixou a súa pegada na Coruña.

Arribaran ás 20:30 no Circo de artesáns onde no eido do “Feirón sen patrón” celebrárase o primeiro gran Baile de Sereas e Tritónsen homenaxe o pintor do mar.

Máis novas

“O desleixo das administracións para protexer os frescos de Lugrís non fai máis que medrar”

 

S.O.S. Lugrís

ÚLTIMAS

Esta é a historia de Philippe Delamare, o navegante que deu a volta ao mundo en menos de cinco meses

O navegante Philippe Delamare é o flamante gañador da Global Solo Challenge, unha esixente proba marítima consistente...

A AMEGA descubriu a Coruña como gran precursora dos medios en galego

Pechouse na Coruña o ciclo de roteiros xornalísticos para rescatar a memoria da prensa...

Inmobilis in mobile. Manifesto contra a mutilación da beleza

Con este manifesto, a Asociación cultural O Mural e o Colectivo In Nave Civitas...

Así afectará ao tráfico a media maratón deste domingo

Máis de 3.000 atletas participarán este domingo 25 de febreiro as probas de C21...

DEIXAR UN COMENTARIO

Please enter your comment!
Please enter your name here