O Gordo non caeu en Oleiros, pero coma se caese. Esta mañá, o Ministerio de Transportes e Mobilidade Sustentable puña en servizo este venres o paso inferior da nova ligazón da estrada AC-12, ao seu paso polo núcleo de Perillo (Oleiros) e nos accesos á cidade herculina.
O mesmo substitúe á antiga intersección semaforizada de ‘Sol e Mar’ e del beneficiaranse diariamente máis de 50.000 vehículos. Deste xeito, o tráfico de paso de longo e medio percorrido circulará no nivel inferior da nova ligazón, reservando o superior para o tráfico local e o tránsito peonil.
Ademais do número de condutores e condutoras que se beneficiarán desta posta en servizo desta parte da obra, o delegado do Goberno confirmou que, unha vez aberto este punto, a obra proseguirá pola urbanización e integración estética do nivel superior, para temrinar no primeiro semestre do próximo ano.
