A tope atópase estes días a Casa dos Xoguetes. Centos de persoas pasan estes días por este espazo que trata de fomentar a circulación de xoguetes, e loitar contra o consumismo exacerbado destas datas.
Se a 27 de decembro xa recibiran 5.000 xoguetes, a día de hoxe de seguro que son moitos máis. Xentes chegan cun tope de 10 xoguetes, e poden botar un ollo entre os que hai e canxealos por outros 10. Moitos simplemente fan oco para a chegada dos Reis na casa, pensando en darlle unha nova vida a eses xoguetes que a rapazada xa non usa.
Dende logo, unha fermosa iniciativa de economía circular.
A Casa dos Xoguetes está aberta na OMIC situada na Costa da Palloza, 8, en horario de luns a venres das 10.00 ás 19.00 horas e sábados de 10.00 a 14.00 horas.
Máis novas
A Casa dos Xoguetes da Coruña recibe 5.000 doazóns na recollida solidaria
