InicioCULLEREDOVilla Melania xa é firmemente municipal despois de 20 anos de conflito...

Villa Melania xa é firmemente municipal despois de 20 anos de conflito e 1,2 millóns de euros

Publicada o

Por editor

20 anos levaba sen resolverse un convenio asinado hai 20 anos polo que Villa Melania, edificio histórico de Vilaboa, pasou a ser propiedade municipal do Concello de Culleredo. O acordo non puido nin pode materializarse tal e como determinaron os técnicos municipais, o que levou á empresa Landcompany 2020 SL a presentar a correspondente demanda ante o Xulgado do Contencioso Administrativo.

Esta semana, Xulgado do Contencioso estimou parcialmente a demanda da promotora, que solicitaba 4,7 millóns de euros, e o Concello de Culleredo terá que pagar 1,2 millóns para conseguir Villa Melania.

O goberno municipal, independentemente de que non estea de acordo coa fórmula de convenios urbanísticos que se utilizaban hai 20 anos polas administracións locais, ve pertinente a compensación económica. O convenio en cuestión remóntase ao 18 de novembro de 2003, asinado polo exalcalde, Julio Sacristán, con Curto Promotores Inmobiliarios S.A. O obxectivo era facer un espazo municipal no pazo (Biblioteca, sala de reunións…) trala súa rehabilitación e un xardín público, tal e como se fixo xa dende hai anos, convertíndoo nun dos principais equipamentos municipais de Vilaboa.

Permuta

A chave está na contrapartida. Se ben o Concello recibía o inmueble, o Concello xa executou a cesión de 8.700 metros cadrados de edificabilidade que se materializou na parcela número 1 do proxecto de reparcelación da UA-29 “Pazos de Vilaboa”.  Pero en segundo lugar, o convenio incluía a entrega á empresa de solo urbano consolidado por unha edificabilidade de 10.298 metros cadrados nun único edificio de vivendas que se ía situar no entorno inmediato da avenida de Vilaboa. Este é o punto da demanda.

Pois ben, o informe do técnico redactor do PGOM de Culleredo en trámite e dos servizos económicos municipais pon de manifesto que o Concello de Culleredo non ten o planeamento urbanístico, nin o patrimonio municipal, para poder entregar unha parcela na que o promotor pode materializarse os 10.298 metros cadrados de edificabilidade recollidos no convenio de 2003.

En canto á cantidade, a Audiencia determina que o pago que debe facer o Concello debe ser polo valor dos terreos cedidos, é dicir, para Villa Melania. “Pero desde logo non o valor dos dereitos de edificación que se contemplaban como prestación á que estaba obrigado o Concello de Culleredo o 18 de novembro de 2003”, estipula a sentenza. Por todos estes motivos, a resolución xudicial limita o pagamento ao 26% do que solicitaba a entidade demandante.

O Concello non recorrerá a sentenza. “O Concello recibiu uns terreos en pleno centro de Vilaboa cos que puido recuperar o patrimonio histórico e crear espazos públicos imprescindibles en virtude dun convenio, que en lugar da adquisición contemplaba unha compensación mediante edificabilidade ao propietario do terreo”, entende.

 

 

ÚLTIMAS

A Coruña, provincia onde os pequenos concellos de interior votan de xeito conservador mentres a costa se moderniza

Galicia é diversa. A nosa terra é un territorio onde nada ten que ver a...

A Xunta presenta unha oferta por 35.000 euros para adquirir os murais de Lugrís da rúa Olmos da Coruña

Despois da polémica xerada entre a sociedade civil pola posta en venda dos murais...

O tempo descafeinou O Gran Camiño

Mágoa o temporal desta mañá que agriou a celebración de O Gran Camiño na...

A AMEGA descobre a historia dos medios en galego da cidade

Ademais do Festival de Música Galega contemporánea deste xoves, e para o que xa...

DEIXAR UN COMENTARIO

Please enter your comment!
Please enter your name here