Fai historia este Leyma Basquet Coruña. O cadro laranxa acaba a primeira volta nunha tremenda segunda praza da LEB Oro, que lle dá acceso, por primeira na súa historia, á participar na final da Copa Princesa. O equipo vencía noutra fermosa noite de venres no Forno de Riazor ao Melilla e aproveitou a derrota do San Pablo Burgos contra o Real Betis.
A gran final será a última fin de semana deste mes de xaneiro, cando o cadro herculino se enfronte ao Movistar Estudiantes, que remata a primeira volta líder da táboa con só unha vitoria máis que os herculinos (que suman 13 vitorias e 4 derrotas). O choque no alto da LEB Oro, será no WiZink Center de Madrid.
“Vitoria de mérito porque xogamos contra un equipo que fai moi ben as cousas”, recoñecía o adestrador Epifanio ao final do partido. “Non nos volvimos tolos cando eles colleron o seu xogo. Certo que nos puxemos algo nerviosos pero controlámolo ao descanso, e na segunda soubemos encontrar solucións”.
Contentos o que significa acaba a primeira volta con só 4 vitorias e o que implica meterse na Copa Princesa por primeira vez da historia do club, valoraba Epifanio a xesta de meterse na Copa.”Para o club é xogarse un título, é seguir crecendo. Para o vestiario é refrendar o traballo da primeira volta”. “O club acertou facendo o esforzo de renovar moitos xogadores e iso se está notando”, agradeceu.
