InicioDEPORTESAs entidades toman con esperanza a renovación do Consello Municipal do Deporte

As entidades toman con esperanza a renovación do Consello Municipal do Deporte

Publicada o

Por Ubaldo Cerqueiro

Acollía onte o Ágora a primeira reunión desta lexislatura do Consello Municipal do Deporte. Fundado en 2021 para escoitar ao tecido deportivo, para poñer en común todas as inquedanzas de cada entidade, de cada deporte, e para entre buscar solucións entre todos, o Consello celebrou onte a súa renovación da directiva, xa que como sinalan os estatutos, está vinculada a cada lexislatura.

A rexedora Inés Rei estivo acompañada polo concelleiro de Deportes e vicepresidente primeiro do Consello, Manuel Vázquez, e o xefe do servizo de Deportes e secretario do Consello, Pablo Castedo. Na mesa presidencial estivo tamén Fernando Blanco, nomeado vicepresidente segundo do Consello.

Foron ducias de entidades as que se achegaron ao Ágora coa esperanza de que o Consello volva servir de punto de encontro do deporte herculino. Quedan detrás dous anos de fondo traballo por parte da ex concelleira Mónica Martínez e o asesor Alfonso Hermida, tanto na constitución como na posta en marcha de proxectos e dos grupos de traballo (de muller e deporte, de instalacións, de eventos, de convenios e axudas…). 120 clubs participaran naquela a primeira reunión que acabou facendo realidade proxectos tan bonitos como as charlas de deportistas por colexios.

Se ben no 2023, coas eleccións por medio, o Consello quedou paralizado, as entidades toman con esperanza esta posta en marcha. “Tamén seremos as entidades as que presionemos para que funcione”, explica Ana Yanimenko, de Ximnasia Coruña, que valora que se trata dun punto de encontro “moi útil porque a xente do deporte ten necesidade de facerse escoitar. Onte foi só. comezo, e espramos que estes vindeiros 4 anos sigan na liña da anterior lexislatura” e poder continuar así con este traballo a longo prazo.

Máis novas

Constituído o Consello Municipal da Cultura da Coruña

ÚLTIMAS

Esta é a historia de Philippe Delamare, o navegante que deu a volta ao mundo en menos de cinco meses

O navegante Philippe Delamare é o flamante gañador da Global Solo Challenge, unha esixente proba marítima consistente...

A AMEGA descubriu a Coruña como gran precursora dos medios en galego

Pechouse na Coruña o ciclo de roteiros xornalísticos para rescatar a memoria da prensa...

Inmobilis in mobile. Manifesto contra a mutilación da beleza

Con este manifesto, a Asociación cultural O Mural e o Colectivo In Nave Civitas...

Así afectará ao tráfico a media maratón deste domingo

Máis de 3.000 atletas participarán este domingo 25 de febreiro as probas de C21...

DEIXAR UN COMENTARIO

Please enter your comment!
Please enter your name here